Du befindest dich in der Kategorie: Bittgebete Teil 2

Liaba Herrgott
Von Unbekannt (Mitgliedschaft beendet), 23:28

 

Du liaba Herrgott nimms net krumm,

da i so selt`n zu dir kumm.

Du woaßt as scho, i moans ned bös,

hob vui zum doa, bin oft im Streß

und nütz aa gern mei Freizeit aus,

i hoff, du machst koa Drama draus.

Weils mir an ganzen Dog pressiert,

bin i am Obend reichlich müad.

Ko mi dann nimmer konzentrien

aufs Betn oder Meditieren,

schlaf oft sogar beim Krimi ei,

des werd doch gwiss koa Sünd ned sei?

Nimms hoid ned tragisch; liaba Gott,

wenn i moi wieder bin in Not

und Kummer, Angst und Sorg gspür,

dann herst scho wieder was vo mir.

 

[Kommentare (0) | Kommentar erstellen | Permalink]

Blog powered by Beeplog.de

Die auf Weblogs sichtbaren Daten und Inhalte stammen von
Privatpersonen. Beepworld ist hierfür nicht verantwortlich.